Bahtie Gërbeshi u lind më vitin 1967, në Prishtinë. Shkollën fillore, të mesme, studimet e rregullta si dhe ato pasuniversitare i ka bërë në Prishtinë. Ka magjistruar në vitin 1998, kurse në 2003, në Fakultetin Filozofik, dega e Historisë, ka mbrojtur tezën e doktoratës me titull: “Elena Gjika (Dora D’Istria) – jeta dhe vepra”. Hulumtimet shkencore kryesisht i ka bërë në Bukuresht, Tiranë, Prishtinë, Zagreb, Zarë, Sarajevë, etj. Pas përfundimit të studimeve ka punuar si gazetare, pastaj si mësimdhënëse në gjimnazin “Eqrem Çabej” në Prishtinë. Prej fillimit të vitit 2000 punon në Bibliotekën Kombëtare dhe Universitare të Kosovës. Gjithashtu është ligjëruese në Fakultetin e Edukimit në Gjilan. Ka botuar tituj shkencor dhe punime të ndryshme në revista shkencore dhe në të përditshme si: Itifak, Studime Orientale, Koha Ditore, Bota Sot, etj.
