Женская поэзия

Ашальчи-Оки

Оригинал материала находится по адресу:
www.finugor.ru/?q=comment/reply/3030
Опубликовано: газета "Удмурт Дунне", № 056 (24004) от 18 апреля 2007 года.


Ашальчи Оки улэп луысал ке, аслэсьтыз улэм-вылэм сюрессэ, творчествозэ адњыса синвуаськысал, дыр. Удмурт поэтессаез буре ваёнлы сћзем конференцилы юкаменскъёс сокем усто но быгатыса дасяллям литературно-музыкальной композиция. Чузъяськизы кылбуръёсыз, солэн кылъёсызъя гожтэм кырњанъёс. Самодеятельной артистъёс, школаын дышетскись нылпиос син азе пуктћзы кылбурчилэсь но дано врачлэсь улэмзэ, тодэ ваёнъёссэ.

Люкаськемъёс азьын Ашальчи Оки выльысь улњиз. Џок, тусыз но, куараез но аслаз öвöл ке. Сцена вылысь солэсь образзэ адњыса, ужъёсыныз тодматскыса, мукет вакытэ вуиськод. Юкаменскысь культура юртэ калык зал тыр люкаськемын, арлыдоосызлэн нылкышноослэн бам кузязы синкылиос питырско: Лина Григорьевна Векшиналэн удмурт нылкышнолы сћзем кылбуръёсыз туннэ но сюлэмез вырњыто.

Бадњым классъёсын дышетскись нылпиос «Культпоход» веросэзъя дасяллям сценка. Паласькись висёнъёслы пöрмытскыса шаянъяськемзы амалтэк серемез поттэ. Конференцие люкаськемъёсты шулдыртћзы Юкаменскысь «Ладушки» но «Солнышко» нылпи садъёсысь покчиос но. Удмурт кылын кырњамзы-веразы туж муспотон кылћське.

Уйпалъёслэн удмурт кыллы, Ашальчи Окилы сокем бадњым саклык висъямзылы куд-ог ёросъёсысь лыктэм куноос вожъяськизы но, дыр (конференцие пыриськизы Красногорск, Яр, Глазов, Якшур-Бöдья, Алнаш, Грах, Кизнер ёросъёсысь, Ижысь куноос). Та палъёсын уло но будо вылэм уно гинэ марњан пырыос, удмурт культураез азинтћсьёс но улњытћсьёс. Кыдёке интыяськеменызы ватћськыса сяменгес уло. Соиз но вань: доразы сюрес уггес шедьто гожъясьёс но, кырњась-верасьёс но, удмуртлыкез љутон-вöлмытон бордын тыршисьёс но. Соин ик уката дано но дуно Ашальчи Оки нимо премиен «Удмурт кенеш» огазеяськонлэн Юкаменск ёрос ёзэныз кивалтћсьсэ Людмила Трефиловаез пусъемзы. Та чырмыт сямо нылкышно куамын аръёс џоже Юкаменскысь библиотекаын тырше, пыриське удмурт радиоверанъёс дасянэ, газетъёсы гожъя. Ашальчи Окилы сћзем литературно-музыкальной композициез но Людмила Владимировна дасям.

Ашальчи Оки нимо премиен озьы ик пусъемын «Удмурт кенеш» огазеяськонлэн Кизнер ёрос ёзэныз дас кык ар џоже кивалтэм мурт, Кармыж школалэн директорез, ёрос кенешлэн депутатэз Серафима Петровна Петрова. Кармыж школа быдэс республикамылы адњем карымон. Тодон-валан, артэ улћсь калыкъёсын эшъяськон мылкыд дышетскись нылпиослы пыџато удмурт, њуч, бигер, пор культура, сям-йылолъёс пыр.

Ашальчи Оки нимо премиез берло куинь арзэ сёто ини, солэн ужам но улэм интыяз потаса. 70 ар ортчыса, дано удмурт нылкышно Юкаменске но берытскиз. Татын со ужаны кутскиз, татысен ик тодматскиз вуоно кузпалыныз Иван Иванович Карачёвен. 1987-тћ арысен Юкаменскысь одћгез урам нуллэ Ашальчи Окилэсь нимзэ. Азьланяз, оло, кизнеръёслэсь но алнашъёслэсь адњем карыса, юкаменскъёс но ёросысьтызы дано нылкышноослы таџе нимо премия кылдытозы. Нош удмуртъёс татын трос: «Юкаменское» муниципальной кылдытэтлэн кивалтћсезлэн Б. В. Востриковлэн верамезъя, вань улћсьёс пöлысь 63 процент лыдъясько. Озьыен, та музъем вылысь потозы ай Кузебай Гердъёс но, Ашальчи Окиос но.

Туспуктэмез С. Сидоровалэн.

газета "Удмурт Дунне", № 056 (24004) от 18 апреля 2007 года, Лия Малых
 

Назад к списку

Поиск

Письмо автору
Карта сайта
 1
eXTReMe Tracker